Su Festivalı Sabirabad rayonunda baş tutmuşdur.

IV İslam Həmrəyliyi Oyunlarının çərçivəsində, “Xəzərdən Başlayan Səyahət” proqramının “Su Festivalı” Sabirabad rayonunda baş tutmuşdur.
13 aprel 2017-ci il tarixində 10 yaşlı Futbolçu Tahir Quliyev və onu müşayət edən Qaydasız Döyüş üzrə Dünya Çempionu Azad Əsgərov, Sərbəst Güləş üzrə Azərbaycan Çempionu Seyfulla Mehdiyev Sabirabad rayonunda yerləşən Kür və Araz çaylarının qovşağına gəldilər. 
Qaydasız Döyüş üzrə Dünya Çempionu Azad Əsgərov Kür və Araz çaylarının qovşduğu məkandan suyu götürərək Sərbəst Güləş üzrə Azərbaycan Çempionu Seyfulla Mehdiyevin əlindəki  misdən hazırlanmış səhəngə doldurdu. Sonra Seyfulla Mehdiyev Su Səhəngini futbolçu Tahir Quliyevə təqdim etdi. 
Tahir Quliyev  Kür və Araz çaylarından götürülmüş suyu may ayının 12 də Bakı Şəhəri Olimpiya Stadionunda keçiriləcək  IV İslam Həmrəyliyi Oyunlarının açılış mərasiminə aparacaq.

Fotolar Gülağa Hüseynlinindir