Sabirabad rayonunda məzun günü qeyd olunub

Sabirabad şəhəri 2 saylı Nəriman Nərimanov adına Texniki Təmayüllü Beynəlmiləl orta məktəbdə məzun günü keçirilib. Tədbiri məktəbin Direktoru açaraq qonaqları salamlayıb. Dövlət Himni səsləndirilib. Sonra təbrik üçün söz Sabirabad rayon İcra Hakimiyyətinin Başçısı cənab Nazim İsmayılova verilib. N.İsmayılov çıxış edərək valideynləri, müəllimləri, şagirdləri təbrik edib. Sonra bu il ali məktəbə qəbul olmuş 600 baldan çox bal toplamış bir neçə məzuna Fəxri Fərman təqdim edib.
Çıxış edənlarədən Rayon Təhsil Şöbəsinin müdiri Pəhlivan Qarayev, rayon Gənclər və İdman İdarəsinin rəisi Nadir Quliyev tədbir iştirakçılarını salamlamış və məzunlara ən xoş arzularını bildiriblər.
Sonra məktəblilərin ifasında bir birindən maraqlı müsiqi nömrələrinə və şerlərə tamaşa edilib. Sonda ənənəvi olaraq son zəng çalınıb.